Бөлүмдөр
Бейшемби, 17-январь
Ош облусу, Ноокат 04.11.2014 11:55

Ноокат шаарында аким Б.Айтиевдин катышуусунда соода түйүндөрү текшерилди

Turmush -  Ноокат шаарында кечээ, 3-ноябрда аким Бекболот Айтиевдин катышуусунда соода түйүндөрүнө рейд жүргүзүлдү. Бул тууралуу Ноокат райадминистрациясынын басма сөз кызматы билдирди.

Маалыматка ылайык, аким менен бирге анын биринчи орун басары Мамадали Дүйшеев, Ноокат райондук ички иштер бөлүмүнүн башчысы Мурат Боронов, Ноокат шаарынын мэри Өмүрбек Тургунбаев, Санэпидкөзөмөл борборунун башчысы Саткын Токтомалиева жана «Ноокат базары» ЖЧКсынын жетекчиси Жаныш Орозалиев текшерүү жүргүздү.

Маалым болгондой, алар Ноокат шаарындагы соода-сатык түйүндөрүн текшерүү менен катар шаардын ички жолдору менен тротуарларды ачуу, мөмө-жемиш сатуучу базарларды түзүү, көчөлөрдөгү соодагерлерди тартипке келтирүү багытында талкуулашты.

Мындан тышкары, семиз уйдун, койдун, эчкинин эттери экспортко чыгарылып, ал эми сапаты анча эмес эттер сатылып жаткандыгы боюнча касапчылар менен сүйлөшүлдү.

Маалым болгондой, сапаттуу, семиз жандыктардын этинин баасы 340 сомго көтөрүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×