Бөлүмдөр
Ишемби, 23-март
Ош облусу, Ноокат 02.05.2014 17:43

Ноокат шаарындагы аймактык ооруканасына тез жардам көрсөтүү бөлүмүнө Германиянын гранты менен санариптик рентген аппараты коюлган

Turmush -  Ноокат шаарындагы аймактык ооруканасынын жаңыдан ачылган тез жардам көрсөтүү бөлүмүнө Германия мамлекетинин гранты менен санариптик рентген аппараты коюлган. Бул тууралуу Жогорку Кеңешинин төрагасы Асылбек Жээнбеков бүгүн, 2-майда Ош облусуна болгон иш сапарынын алкагында оорукананын башкы дарыгери Асамидин Марипов билдирди.

Ошондой эле оорукана тарабынан жазылган долбоордун негизинде Жапония грантынан 2,5 млн сомдук балдарды дем алдыруучу аппарат, дистиллятор сындуу медициналык жабдуулар алынган.

«Учурда Ноокат аймактык оорукананын материалдык-техникалык базасын чыңдоо иштери жүргүзүлүп жатат. 780 метр сырткы канализация түтүктөрү жаңыдан коюлуп, 536 метр сырткы суу түтүктөрү орнотулган. 1023 метр ички суу түтүктөрү жана канализация жаңыланган. 2952 метр жылытуу системасынын түтүктөрү алмаштырылган», - деп айтылат билдирүүдө.

Төрага А.Жээнбеков дарыгерлер менен жолугушууда аларды оптимисттик маанайда кызмат өтөөгө чакырып, ошондо гана бул тармак өнүгөрүн белгиледи. Жогорку Кеңеш төрагасынын фондунан оорукана муктаждыктарына материалдык колдоо көрсөтүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
Какой банк Вы считаете лучшим в Кыргызстане?
«Бакай Банк»
39.29% (389)
«РСК Банк»
35.45% (351)
«Капитал Банк»
8.99% (89)
...
Всего голосов: 990
×