Бөлүмдөр
Бейшемби, 18-июль
Ош облусу, Ноокат 05.07.2019 09:32

Видео — Ноокатта мамлекеттик желек эмне үчүн таш менен бастырылган?

Turmush -  Ноокат шаарындагы борбордук айлампада таш менен жерге бастырылган мамлекеттик желек 3 күндүн ичинде жаңыланат. Бул тууралуу Ноокат шаардык мэриясынын алдындагы муниципалдык менчик департаментинин директору Камчыбек уулу Нурсултан билдирди.

Анын айтымында, жерге таш менен бастырылып турган мамлекеттик желек 2018-жылдын ноябрь айында орнотулган. Желектин бийиктиги 30 метрди түзөт.

«Желек катуу шамал, жаан-чачындан улам тытылып калган. Мэриянын тиешелүү кызматкерлери желекти алуу үчүн барганда желектин чынжыры үзүлүп, аны алууга мүмкүнчүлүк болгон эмес. Атайын техника керек болгон. Ошол себептен кызматкерлер желекти таш менен бастырып койгон», - деди Камчыбек уулу Нурсултан.

Буга чейин Turmush басылмасы Ноокат шаарындагы борбордук айлампада Кыргызстандын желеги 3 күндөн бери жерде таш менен бастырылып турганын жазган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×